Сауықтыру-шынықтыру шарасы "Су мен күн"ересек "Барыс" тобы тәрбиеші Саруарова Г.Б.

Сауықтыру-шынықтыру шаралары.
Тақырыбы: «Су мен күн»
Мақсаты:Балалардың денсаулығын нығайтуға, дене бітімін жақсы қалыптастыруға, қан айналымын жақсартуға, балалардың арқасындағы, қолындағы, табанындағы нүктелерді оятуға арналған жаттығуларды дұрыс орындауға қалыптастыру. Балалардың жаттығуларды жасауға, ойын ойнауға қызығушылығын арттыру, қимылдың дұрыстығын бақылау және оларды дұрыс және дәл орындай білуге үйрету.
Сумен шынығуда сулы шүберекпен сүртіну, суға шомылу, су құйылу сияқты процедурасын қолдануды дағдыландыру. Су құйыну шынығудың ең тиімді түрі екенін, жылы судан бастап бірте бірте салқын суға көшу керектігін түсіндіру.
Әдіс-тәсілдері: түсіндіру, жаттығулар, ойындар, сумен шынығу, т.б
Керекті құрал-жабдықтар: хауыз, түрлі-түсті доптар, шелектер, дөңгелек құрсау (обруч) т.б.
Билингвизм: хауыз – бассейн, доп – мяч, шелек –ведро , құм – песок ,су – вода , тас – камень, жылы –тёплый, салқын – холодный.
Жазғы сауықтырудағы қыздырыну жаттығуларды жасау (бас, мойын, қол, бел, аяқ жаттығулары тәрбиешінің бағытымен). Жарайсыңдар, балалар, келесі кезекте бізді қызықты сумен шынықтыру жаттығулары күтіп тұр.
Қолғаппен сүртіну және легендегі шынығу жұмыстары.
Легенде – жылы су;
Балалар, ал енді біз қызықты ойын ойнайық. 
Ойын: «Кішкентай балықшы»Шарты: балалар қармақты алып судағы балықтарды аулайды.                          Кішкентай балықтар бассейнге салынады. Балалар балықты аулау үшін сабы ұзын «қармақ» беріледі.Ұстаған балықтарын шелекке салады және санайды түсін ажыратады.
Күтілетін нәтиже:Сумен шынығуда сулы шүберекпен сүртіну, суға шомылу. Шынықтыру шаралары денсаулыққа пайдалы екенін біледі.